Целиноград аудандық сотында Өзбекстан Республикасының төрт азаматына қатысты әкімшілік істер қаралды.
Сот анықтағандай, Өзбекстан Республикасының 4 азаматы жергілікті органының рұқсатынсыз Целиноград ауданының аумағында жұмыс істеген.
Ақмола облысы Шортанды аудандық сотында БАҚ өкілдерінің қатысуымен 2017 жылдың 6 айының жұмыс қорытындысы бойынша брифинг өтті.
Сот төрағасы Қанат Бейсекеев, 2017 жылдың 6 айында 42 қылмыстық, 636 азаматтық және 357 әкімшілік құқық бұзушылық туралы істердің қаралғанын атап өтті. 2016 жылдың 6 айымен салыстырғанда қаралған істердің саны 342 іске өскені байқалады.
Медиативтік келісіммен 5 қылмыстық, 9 азаматтық және 4 әкімшілік істер қаралды. Аудио және бейне тіркеу жүйесін қолданумен 98% сот істері қаралды.
Ақмола облысы Сандықтау аудандық сотында сот шешімдерін орындамағандары үшін ауданның 48 тұрғынына қатысты әкімшілік істер қаралды.
Сот қаулыларымен 48 азамат Әкімшілік құқық бұзушылық туралы Қазақстан Республикасы Кодексінің 669-бабымен («Сот үкімін, сот шешімін немесе өзге де сот актісін және атқарушылық құжатты орындамау») әкімшілік құқық бұзушылық жасағандары үшін кінәлі деп танылып, 43 азаматқа әкімшілік қамаққа алу және бес азаматқа айыппұл түрінде жаза тағайындалды.
Сандықтау аудандық сотында көлік құралдарын алкогольдік және есірткілік масаң күйде басқарған азаматтарға қатысты 46 әкімшілік іс қаралды.
Сот анықтағандай, 46 азамат алкогольдік және есірткілік масаң күйде автокөлік құралдарын басқарып, Қазақстан Республикасының Жол жүрісі қағидаларының 2-бөлімнің 4-тармағының 2-тармақшасының талаптарын бұзып, жол қозғалысына қауіп төндірген.
Ақмола облысы Бұланды аудандық сотында атқарушылық құжатты орындамағаны үшін азаматша К-ға қатысты әкімшілік іс қаралды.
Сот қаулысымен азаматша К. Әкімшілік құқық бұзушылық туралы Қазақстан Республикасы Кодексінің 669-бабында («Сот үкiмiн, сот шешiмiн немесе өзге де сот актiсiн және атқарушылық құжатты орындамау») көрсетілген құқық бұзушылық жасағаны үшін кінәлі деп танылып, оған бір тәулік мерзімге әкімшілік қамаққа алу түрінде жаза тағайындалды.
2017 жылдың 6 айында Жақсы аудандық сотымен 33 қылмыстық іс қаралып, оның ішінде 8 іс медиация тәртібімен қаралды. Тергеу судьясымен 26 өтінішхат қаралды.
94 қаралған азаматтық істерден 7 азаматтық іс медиация тәртібімен қысқартылды.
110 әкімшілік істер қаралып, 4 азамат ескерту түрінде әкімшілік жауапкершілікке тартылды, 39 азаматқа әкімшілік айыппұл, 42 азамат әкімшілік қамаққа алынып, арнайы құқықығынан 25 азамат айырылды.
Қазақстан Республикасы Азаматтық процестік кодексінің 144-146-баптарына сәйкес, судья істерді арыз қабылданған күннен бастап бір ай мерзімде оңайлатылған (жазбаша) іс жүргізу тәртібімен қарайды. Сот талап қою арызын іс жүргізуге қабылдау туралы ұйғарым шығарады, онда істің оңайлатылған (жазбаша) іс жүргізу тәртібімен қаралатындығын көрсетеді. Сот тараптарды хабарландырып, жауапкердің өзі негіздейтін құжаттар мен дәлелдемелерді қоса беріп, он бес жұмыс күні ішінде талап қою арызына пікір (қарсылық) ұсынуы үшін мерзім белгілейді.
Ақмола облыстық соты