Көкшетау қалалық сотында 2017 жылдың басынан 1274 азаматтық істер сот бұйрығын шығарумен электронды форматта қаралды. Барлық істер электронды форматта қаралды.
Қазақстан Республикасы Үкіметінің 2014 жылғы 13 қарашадағы №1196 қаулысымен бекітілген Жол жүрісі қағидаларының 2-бөлігі 4-тармағының 2-тармақшасына сәйкес, жүргізушіге масаң күйде (алкогольдік, есірткілік және (немесе) уытқұмарлық); реакциясын және назар аударуын нашарлататын дәрілік препараттардың әсерімен; жол жүрісі қауіпсіздігіне қатер төндіретін сырқат немесе шаршаулы күйде көлік құралын басқаруға тыйым салынады.
Шортанды аудандық сотында Қазақстан Республикасы заңнамасының алкоголь өнімін өткізу жөніндегі талаптарын бұзғаны үшін азаматша Т-ға қатысты әкімшілік іс қаралды.
Сот анықтағандай, дүкенде сатушы болып жұмыс істейтін азаматша Т. сатып алушыға түнде сағат 22.00-ден кейін алкогольдік өнімді сатқан. Осы әрекетімен, азаматша Т. сағат 23.00-ден келесі күнгі сағат 08.00-ге дейінгі аралықта, яғни тыйым салынған уақытта алкогольдік өнімді заңсыз сатқан.
Целиноград аудандық сотында 2017 жылдың басынан Өзбекстан Республикасының азаматтарына қатысты Қазақстан Республикасының көші –қоны саласындағы заңнамасын бұзғаны үшін 142 әкімшілік іс қаралды.
А.И.Джейрановқа қатысты Зеренді аудандық сотының үкімі істі қарауға қатысқан тұлғалардың, соның ішінде, жәбірленуші Н.Ф.Буланованың және оның өкілі В.В.Филипенковтың қатысуымен 2017 жылдың 2 тамызында жарияланды.
Атбасар аудандық сотында алкогольдік масаң күйде сот отырысына келіп, сотқа құрметтемеушілік көрсеткені үшін азамат В-ға қатысты әкімшілік іс қаралды.
Сот қаулысымен азамат В. Әкімшілік құқық бұзушылық туралы Қазақстан Республикасы Кодексінің 653-бабының 1-бөлігімен («Сотты құрметтемеушілік») құқық бұзушылық жасағаны үшін кінәлі деп танылып, оған 2 тәулік мерзімге әкімшілік қамаққа алу жазасы тағайындалды.
Ақмола облыстық соты