Ақмола облысы Бұланды аудандық сотында 2017 жылдың басынан ұсақ бұзақылық жасағандары үшін 29 құқық бұзушыға қатысты әкімшілік істер қаралды

Ұсақ бұзақылық – қоғамдық тәртіпке қол сұғатын әкімшілік құқық бұзушылықтардың ең көп тараған түрлерінің бірі болып табылады.

Қазақстан Республикасының Әкімшілік құқық бұзушылық туралы кодексінің 434-бабының 1-бөлігіне сәйкес, қоғамдық орындарда былапыт сөйлеу, жеке тұлғаларға қорлап тиiсу, тұрғын үй-жайларды қорлау, ортақ пайдалану орындарын, саябақтарды, скверлердi ластау, оның iшiнде белгiленбеген орындарға коммуналдық қалдықтарды тастау және айналасындағыларға сыйламаушылықты бiлдiретiн, қоғамдық тәртiптi және жеке тұлғалардың тыныштығын бұзатын басқа да осындай әрекеттер ұсақ бұзақылық болып танылады. Көрсетілген әрекеттерді жасау он айлық есептiк көрсеткiш мөлшерiнде айыппұл салуға не он тәулiкке дейiнгi мерзiмге әкiмшiлiк қамаққа алуға әкеп соғады.

Мысалы, Ақмола облысы Жақсы аудандық сотында 2017 жылдың басынан ұсақ бұзақылық жасағандары үшін 29 әкімшілік іс қаралып, 11 құқық бұзушыға әкімшілік айыппұл, 18 құқық бұзушыға қамаққа алу түрінде жаза тағайындалды.