Бурабайда мас болып трактор көлігін айдаған азамат жазаланды

Бурабай ауданының мамандандырылған әкімшілік соты ҚР аумағында жол жүру Ережесін бұзып, «МТЗ 80» көлік құралын мас күйінде жүргізген құқықбұзушы П.,-ға қатысты келіп түскен әкімшілік істі қарады.
Сот отырысында П., өзінің кінәсін толық мойындап, толтырылған әкімшілік хаттамамен келісетінін айтты. Құқықбұзушы 10 жыл мерзімге берілетін трактор жүргізушісі куәлігін 1987-жылы алған,  бірақ өкінішке орай оны жоғалтып алған екен.
Бурабай ауданының мамандандырылған әкімшілік соты П.,-ны Қазақстан Республикасы әкімшілік құқықбұзушылық туралы Кодексінің  467-бабы 8-бөлігінде көзделген құқықбұзушылықты жасағаны үшін кінәлі деп танып 10 тәулікке әкімшілік қамау жазасын тағайындады. 

Ақмола облыстық сотының
баспасөз қызметі