Ср, 19/07/2017 - 14:53
Зеренді аудандық сотында полиция қызметкерлерін қорлап, бағынбағаны үшін және қызметтік көлікке зиян келтірді деп айыпталған азамат Г-ға қатысты қылмыстық іс қаралды.
Сот анықтағандай, азамат Г. алкогольдік масаң күйінде аурухананың ішінде аурухана қызметкерлерінің шақыртуымен келген полиция қызметкерлеріне былапыт сөздер айтқан. Нәтижесінде, құқық бұзушылық іс-әрекеттерін тоқтату туралы полиция қызметкерлерінің талаптарына бағынбай, азамат Г. аудандық ішкі істер бөліміне жеткізілілген. Алайда, азамат Г. полиция қызметкерлерінің атына былапыт сөйлеуді тоқтатпай, терезені сындырып, өзінің тамырларын кеспекші болған. Азамат Г-ның іс-әрекеті полиция қызметкерлерімен тоқтатылды.
Сот үкімімен азамат Г. Қылмыстық Кодексінің 378-бабының 2-бөлігімен «Билік өкiлiн қорлау», 379-бабының 1-бөлігімен «Билік өкіліне бағынбау» көзделген қылмыстық теріс қылықтар жасағаны үшін кінәлі деп танылып, оған 200 сағатқа қоғамдық жұмыстарға тарту түрінде жаза тағайындалды.