Аршалы аудандық сотында азамат «А»-ға қатысты әкімшілік құқық бұзушылық туралы іс қаралды.Сот анықтағандай, құқық бұзушы көлік құралдарын басқару құқығы жоқ бола тұра, көлік құралын алкогольдік масаң күйде басқарған. (ӘҚБтК 608-бабының 6-бөлігі).
Сот қаулысымен «А.» кінәлі деп танылып, 20 тәулікке қамаққа алынды.
Сот үкімімен білім беру мекемесінің директоры «А.» және есепші «С.» бюджет қаражатын ысырап еткені үшін сотталды (ҚК 189-бабы 4-бөлігінің 2-тармағы).
«С.» 2022 жылдың қаңтары мен 2023 жылдың сәуір аралығында заңсыз, бірнеше рет асыра жалақыны директор «А.»-ға, өзіне және басқа адамдардың банктік шоттарына аударды. Осылай кінәлілер бюджет қаражатын жымқыру арқылы жалпы сомасы 28 млн. теңгеге ұрлық жасап, мемлекетке аса ірі мөлшерде материалдық залал келтірді.
2023 жылдың жазында Көкшетау қаласында 19-20 жастағы екі жас жігіт «К.» және «О.» «Телеграмм» мобильді қосымшасы арқылы белгісіз адаммен танысып, егде жастағы адамдарды алдап, алаяқтық әрекеттер жасаған.
Ақмола облыстық соты