Тұрмыстық зорлық-зомбылық үшін әкімшілік жауапкершілік. Журналистермен баспасөз-конференция өтті.

   Ақмола облысының кәмелетке толмағандардың істері жөніндегі мамандандырылған ауданаралық сотының төрағасы Дариға Оспанова журналистермен кездесіп, «Ювеналды сотта дауларды қарау кезінде кәмелетке толмағандардың мүдделерін қорғау» тақырыбында баспасөз конференцияда сөз сөйледі.
   Баспасөз конференциясы Өңірлік коммуникациялар қызметінің (ӨКҚ) Ақмола медиа орталығының алаңында өтті.
   Сот төрағасы Д.Оспанова ювеналды юстицияның мақсаты туралы, ювеналды соттың соттылығы, кәмелетке толмағандардың мүдделері сотта қалай қорғаланады деген сұрақтарға түсіндерме берді, соттта қаралған істер мен кәмелетке толмағандарға тағайындалған жазалар бойынша статистикалық мәліметтер келтірді.
   Баспасөз мәслихаты барысында Д.Оспанова журналистердің басқа да сұрақтарына жауап берді.