Сот ер азаматқа аң аулайтын қаруды заңсыз сақтағаны үшін айыппұл тағайындады
06/06/2017
Ақмола облысы Жарқайың аудандық сотында аң аулайтын қаруды ішкі істер органдарының рұқсатынсыз заңсыз сақтағаны үшін азамат С-ға қатысты әкімшілік іс қаралды.
Сот қаулысымен ер азамат Қазақстан Республикасының Әкімшілік құқық бұзушылық туралы кодексінің 482-бабының 1-бөлігімен («Қаруды заңсыз иеленіп алу, беру, өткізу, сақтау, алып жүру, тасымалдау») әкімшілік құқық бұзушылық жасағаны үшін кінәлі деп танылып, оған қаруды тәркілеумен 20 айлық есептік көрсеткіш көлемінде әкімшілік айыппұлды өнідіріп алу түрінде жаза тағайындалды.