Ақмола облысының Бұланды аудандық сотында алкогольдік және есірткілік масаң күйде автокөлік құралдарын басқарғаны үшін құқықбұзушыларға қатысты 13 әкімшілік іс қаралды

Қазақстан Республикасы Үкіметінің 2014 жылғы 13 қарашадағы №1196 қаулысымен бекітілген Жол жүрісі қағидаларының 2-бөлігі 4-тармағының 2-тармақшасына сәйкес, жүргізушіге масаң күйде (алкогольдік, есірткілік және (немесе) уытқұмарлық); реакциясын және назар аударуын нашарлататын дәрілік препараттардың әсерімен; жол жүрісі қауіпсіздігіне қатер төндіретін сырқат немесе шаршаулы күйде көлік құралын басқаруға тыйым салынады.

Көрсетілген талаптарды бұзғаны үшін «Әкімшілік құқық бұзушылық туралы» Қазақстан Республикасы кодексімен әкімшілік жауаптылық қарастырылған.

2017 жылдың 1-тоқсанында Бұланды аудандық сотының қаулыларымен «Әкімшілік құқық бұзушылық туралы» Қазақстан Республикасы кодексінің 608-бабы бойынша «(Жүргізушінің көлік құралын алкогольдік, есірткілік масаң күйде басқаруы)» 13 құқықбұзушыға әкімшілік жазалар тағайындаған, оның ішінде 11 жүргізуші алкогольдік масаң күйде, ал 2  жүргізуші есірткілік масаң күйде болған.