Қазақстан Республикасының Әкімшілік құқықбұзушылықтар туралы Кодексінің 28-бабының 1-бөлігіне сәйкес, әкiмшiлiк жауаптылыққа әкімшілік құқық бұзушылық аяқталған немесе оның жолын кескен кезде он алты жасқа толған, ақыл-есi дұрыс жеке тұлға жатады.
Ақмола облысының қылмыстық істер жөніндегі мамандандырылған ауданаралық сотында атқарушылық құжаттарды орындауға электронды түрде жолдау сұрақтарын талқылау бойынша үкіметтік емес ұйымдарының өкілдерімен кездесу өтті.
Іс-шараға "Өрлеу" біліктілікті арттыру ұлттық орталығы" акционерлік қоғамының бас маманы Маржан Калижанова, "Бұлак" Қоғамдық қорының басшысы Алина Малахова, судьялар, кеңсе меңгерушісі, кеңсе қызметкерлері және сот отырысының хатшылары қатысты.
Бұланды аудандық сотында даулардың жекелеген санаттары бойынша дауларды (жанжалдарды) медиация тәртібімен сотқа дейінгі реттеуді енгізу жөнінде Пилоттық жобаны түсіндіру, татуластыру рәсімдерінің қолдану аясын кеңейту сұрақтарын талқылау бойынша «дөңгелек үстел» өтті.
«Дөңгелек үстел» жұмысына аудандық прокуратура, аймақтық кәсіпкерлер палатасының өкілдері, адвокаттар, кәсіби медиатор, судьялар мен БАҚ өкілдері қатысты.
Ақмола облысы Степногорск қалалық соты Степногорск қаласының екі тұрғынына қатысты қылмыстық іс қарады.
Сот анықтағандай, екі ер азамат алкогольдік масаң күйде азамат Н-ның басынан соққы жасап, тонаған, яғни азамат Н-ның чемоданындағы жұмысқа арналған құралдарын және ұялы телефонын ұрлаған.
2017 жылдың 27 ақпанында Мемлекет Басшысы «Қазақстан Республикасының кейбір заңнамалық актілеріне азаматтық, банктік, заңнаманы жетілдіру және кәсіпкерлік қызмет үшін жағдайды жақсарту мәселелері бойынша өзгерістер мен толықтырулар енгізу туралы» Заңға қол қойды.
Заңның негізгі новеллаларының бірі жарамсыз мәмілелелерді дауланатын және мәніссіз мәмілелерге бөлу.
Ақмола облысының мамандандырылған ауданаралық экономикалық сотында «Мемлекеттік сатып алу туралы» Қазақстан Республикасы Заңының ерекшеліктері» тақырыбында «дөңгелек үстел» өтті.
«Дөңгелек үстел» жұмысында Ақмола облысының мамандандырылған ауданаралық экономикалық сотының судьялары, прокуратура, білім басқармасы, Астана және Ақмола облысының қоғамдық бірлестіктері, білім және ғылым қызметкерлерінің кәсіби одағы, сонымен қатар, Ақмола облысының әділет департаменті мен Ақмола облысының ішкі істер департаментінің өкілдері қатысты.
Сот төрелігінің ашықтығы мен қолжетімдігін, халықтың сот жүйесіне сенімін арттыру мақсатында Ақмола облысының мамандандырылған ауданаралық экономикалық сотында «Ашық есік күні» өткізілді.
Ақмола облысының мамандандырылған ауданаралық экономикалық сотының төрағасы М.Байгелов сотта қаралатын азаматтық даулар бойынша қатысушылар болып табылатын кәсіпорындарының өкілдерімен кездесу жүргізді.
Сотқа келушілер сот жұмысымен танысып, сот отырысы залдарымен танысып шықты.
2017 жылдың 2 айында Көкшетау қаласының мамандандырылған әкімшілік сотымен 30 шетел азаматына қатысты Қазақстан Республикасының халықтың көші-қоны саласындағы заңнамасын бұзғаны үшін әкімшілік істер қаралды. Құқық бұзушыларға қатысты Әкімшілік құқық бұзушылық туралы Қазақстан Республикасы Кодексінің 517-бабы («Шетелдiктiң немесе азаматтығы жоқ адамның Қазақстан Республикасының халықтың көші-қоны саласындағы заңнамасын бұзуы») бойынша әкімшілік құқық бұзушылық туралы хаттамалар құрастырылды.
Ақмола облысы Көкшетау қалалық соты ауыр дәрежедегі сыбайлас жемқорлық қылмыс жасады деп айыптау бойынша Көкшетау қаласының мемлекеттік кірістер басқармасы басшысының орынбасарына қатысты қылмыстық іс қарады.
Сот анықтағандай, мемлекеттік кірістер басқармасы басшысының орынбасары азамат Р-дан 300 000 теңге сомасында заңсыз іс әрекет жасағаны үшін пара алған, атап айтқанда, әкімшілік жауапкершіліктен босату үшін және ҚҚС бойынша тіркеу есебіне қоюын болдырмауы үшін.
2017 жылдың басынан Ақмола облысы Есіл аудандық соты сот шешiмiн және атқарушылық құжатты орындаудан бас тартқан азаматтарға қатысты 9 әкімшілік іс қарады. Аталған азаматтарға қатысты Әкімшілік құқық бұзушылық туралы Қазақстан Республикасы кодексінің 669-бабы бойынша «Сот үкiмiн, сот шешiмiн немесе өзге де сот актiсiн және атқарушылық құжатты орындамау» әкімшілік құқық бұзушылық туралы хаттамалар құрастылырған.
Ақмола облыстық соты