Архив событий

Ақмола облысының қылмыстық істер жөніндегі мамандандырылған ауданаралық сотында 2017 жылы 9 тамызда сағат 16.00-де үш адамды (екi немесе одан көп адамды; кінәлі адамға дәрменсiз күйде екенi көрінеу белгiлi адамды; аса қатыгездiкпен жасалған; адамдар тобы, алдын ала сөз байласу арқылы адамдар тобы жасаған) өлтіру, ұрлық, тонау және жеке құжаттарды тонау, бойынша кәмелетке толмаған екі айыпталушы 2000 жылы туылған Э. және 2001 жылы туылған Н.-ға қатысты кылмыстық іс бойынша үкім жарияланады.

Зеренді аудандық сотында қызы әкесінен колледждегі оқу мерзімінде оны күтіп-бағуға алимент өндіріп алу туралы талап арызы бойынша азаматтық іс қаралды.

Сот отырысында тараптар келесі шарттар негізінде медиативтік келісім бекітті: әкесі ай сайын қызының 21 жасқа толғанына дейін оны күтіп-бағуына алимент төлеуге міндеттенді, ал қызы өзінің талап-арызынан бас тартады.

Азаматтық іс бойынша өндіріс тоқтатылды.

Егіндікөл аудандық сотында ағымдағы жылдың есеп беру кезеңінде бұйрық арқылы іс жүргізу тәртібімен кәмелетке толмаған балаларды бағып-күтуге арналған алименттерді өндіріп алу туралы 14 сот бұйрығы шығарылды, оның ішінде 2 азаматтық іс сот бұйрығын шығарумен электронды форматта қаралды.

2017 жылдың 7 айында Бурабай аудандық сотында қылмыстық құқық бұзушылық жасағаны үшін 74 азамат сотталды.

Сот үкімдерімен азаматтарға келесі жаза түрлері тағайындалды: 19 тұлға бас бостандығынан айырылды, 6 тұлға шартты түрде сотталды, 17 тұлғаға бас бостандығын шектеу жазасы тағайындалды, 21 тұлға қоғамдық жұмыстарға тартылды, 4 тұлғаға айыппұл салынды және 7 тұлға «Қазақстан Республикасы Тәуелсіздігінің жиырма бес жылдығына байланысты рақымшылық жасау туралы» Қазақстан Республикасы Заңына сәйкес қылмыстық жазадан босатылды.

Қазақстан Республикасы Азаматтық процестік кодексінің 144-146-баптарына сәйкес, судья істерді арыз қабылданған күннен бастап бір ай мерзімде оңайлатылған (жазбаша) іс жүргізу тәртібімен қарайды. Сот талап қою арызын іс жүргізуге қабылдау туралы ұйғарым шығарады, онда істің оңайлатылған (жазбаша) іс жүргізу тәртібімен қаралатындығын көрсетеді.

Сот тараптарды хабарландырып, жауапкердің өзі негіздейтін құжаттар мен дәлелдемелерді қоса беріп, он бес жұмыс күні ішінде талап қою арызына пікір (қарсылық) ұсынуы үшін мерзім белгілейді.

Егіндікөл аудандық сотында 2017 жылдың 7 айында 15  қылмыстық және 75 азаматтық іс қаралды, оның ішінде 4 азаматтық іс медиация тәртібімен қаралды.  Сот бұйрығын шығарумен 12  іс  қаралды.

102 әкімшілік іс қаралып, 7  азамат ескерту түрінде әкімшілік жауапкершілікке тартылды,  10  азаматқа әкімшілік айыппұл тағайындалды, 38 азамат әкімшілік  қамаққа алынып, көлік жүргізу құқықығынан 27 азамат айырылды