Бс, 17/08/2017 - 18:00
Қазақстан Республикасы Үкіметінің 2014 жылғы 13 қарашадағы №1196 қаулысымен бекітілген Жол жүрісі қағидаларының 2-бөлігі 4-тармағының 2-тармақшасына сәйкес, жүргізушіге масаң күйде (алкогольдік, есірткілік және (немесе) уытқұмарлық); реакциясын және назар аударуын нашарлататын дәрілік препараттардың әсерімен; жол жүрісі қауіпсіздігіне қатер төндіретін сырқат немесе шаршаулы күйде көлік құралын басқаруға тыйым салынады.
Ақкөл аудандық сотымен 2017 жылдың 7 айында Әкімшілік құқық бұзушылық туралы Қазақстан Республикасы Кодексінің 608-бабы бойынша («Жүргізушінің көлік құралын алкогольдік, есірткілік және (немесе) уытқұмарлық масаң күйде басқаруы») 42 құқық бұзушыға әкімшілік жазалар тағайындалған, оның ішінде 33 жүргізуші алкогольдік масаң күйде, ал 9 жүргізуші есірткілік масаң күйде болған.
Сот қаулыларымен 42 жүргізуші Әкімшілік құқық бұзушылық туралы Қазақстан Республикасы Кодексінің 608-бабында («Жүргізушінің көлік құралын алкогольдік, есірткілік масаң күйде басқаруы») көрсетілген құқық бұзушылық жасағандары үшін кінәлі деп танылып, 5 азаматқа әкімшілік қамаққа алу, 2-і азаматқа айыппұл, 35 азаматқа 3 жылдан 6 жыл мерзімге дейін көлік құралдарын басқару құқығынан айыру түрінде жазалар тағайындалды.