Архив событий

2016 жылдың 1 жартыжылдығында Көкшетау қаласының мамандандырылған әкімшілік соты  әкiмшiлiк құқық бұзушылық туралы 1848 іс қарады. Осы істер бойынша 1838 азаматтарға келесі әкiмшiлiк жазалар тағайындалды: ескерту – 45, әкiмшiлiк айыппұл – 986, әкімшілік қамаққа алу – 222, арнайы құқықтан айыру – 559, Қазақстан Республикасының шегінен әкімшілік жолмен шығарып жіберу – 26.

10 кәмелетке толмағандарға қатысты тәрбиелiк ықпал ету  шаралары тағайындалды.

2016 жылдын бірінші жартыжылдығында Есіл аудандық соты 426 азаматтық іс қарады, оның ішінде 14 іс дауды медиация тәртібімен реттеу, 4 іс татуласу келісімін жасаумен қарады.

Қаралған 42 қылмыстық істердің ішінен 3 іс тараптардың татуласуына байланысты тоқтатылды, 2 іс медиация тәртібімен қаралды. 

Шортанды аудандық соты азамат Б-ға қатысты келісімдік іс жүргізуде қылмыстық іс қарады.

Сот анықтағандай, ер азамат бұрын, түнгі уақытта, есіктің құлпын жұлып, тұрғынжайға еркiнен тыс заңсыз басып кiріп, Қазақстан Республикасы Қылмыстық кодексінің 149-бабының 2-бөлігімен (Тұрғынжайға қолсұғылмаушылықты бұзу) қылмыстық құқық бұзушылық жасаған.

Степногорск қалалық соты қылмыстық теріс қылық жасағаны үшін азамат Л-ға қатысты қылмыстық іс қарады.

Сот анықтағандай, азамат Л. автокөлік құралын басқару құқығынан айырылған тұлға бола тұра, алкогольдік масаң күйде автокөлік құралын басқарып, жол полиция қызметкерлерімен ұсталынды. Медициналық куәландыру қорытындысына сәйкес азамат Л.  жеңіл дәрежеде алкогольдік масаң күйде болғаны анықталды.