2016 жылдың 27 сәуірінде сағат 9.00-ден 13.00-ге дейін Ақмола облыстық сотының төрағасы Әбдіқанов Нұрғазы Әбенұлы сот жүйесінің ашықтығын, жариялылығын және қолжетімділігін қамтамасыз ету мақсатында облыс тұрғындары үшін интернет-конференция өткізеді.
Сот төрелігінің ашықтығын қамтамасыз ету, азаматтардың сот жүйесіне деген сенімін арттыру, сот төрелігін атқару барысында азаматтардың заңды құқықтарының сақталуын қорғау мақсатында Ақмола облыстық соты 2016 жылдың 27 сәуірінде сағат 10.00-ден 13.00-ге дейін Ашық есік күнін өткізеді.
Ақмола облысының мамандандырылған ауданаралық экономикалық соты «Ақмола облысы бойынша тексеру комиссиясы» мемлекеттік мекемесі жеке кәсіпкерді мемлекеттік сатып алудың жосықсыз қатысушысы деп тану туралы азаматтық іс қарады.
Көктем уақытының келуімен байланысты Ақмола облысының қылмыстық істер жөнінідегі мамандандырылған ауданаралық сотының қызметкерлері, экологиялық айлық шенберінде өтіп жатқан жалпы қалалық сенбілікке қатысты.
Қызметкерлер ғимарат аумағындағы ағаштар мен ернеулерді сылап, дуалдарды сырлады, ағаш маңындағы жерлер қопсытылды.
2016 жылдың 26 сәуірінде сағат 16.00-де Ақмола облысы Жақсы аудандық соты «Сыбайлас жемқорлыққа қарсы іс-қимыл туралы» тақырыбында Дөңгелек үстел өткізеді.
Аталған іс-шараға аудандық ішкі істер бөлімінің қызметкерлері мен прокуратура өкілдері қатысады.
Шортанды аудандық соты ұсақ бұзақылық жасаған үшін азамат И-ға қатысты әкімшілік іс қарады.
Сот анықтағандай, ер азамат алкогольдік масаң күйінде жаяу жүргіншілер жолына темекінің тұқылын тастап, қоғамдық орынды ластаған. Осы әрекетімен, ол қоғамдық тәртіпті бұзып, айналасындағыларға сыйламаушылық білдірді.
Сот отырысында азамат И. құқық бұзушылық жасаған үшін кінәсін толық мойындады.
Жарқайың аудандық соты азамат У-ға қатысты әкімшілік іс қарады.
Сот анықтағандай, азамат У. өз үйінде тұрмыстық ұрыс-керістің барысында жұбайына былапыт сөйлеп, сыйламаушылық білдіріп, тұрғын үйде тыныштықты бұзған.
Сот отырысында азамат У. жұбайына былапыт сөйлегені жөнінде өз кінәсін мойындап, өкінді.
Сотта, жұбайы құқық бұзушылықтың мән-жайларын растап, құқық бұзушымен татуласуына байланысты, азамат У-ға қатысты әкімшілік істі тоқтатуды сұрады.
Еңбекшілдер аудандық сотының төрайымы Ғ.Анарбекова 2016 жылдың I тоқсанының жұмыс қорытындысы бойынша брифинг өткізді. Брифингке судья Т.Жұмақаев, прокурор А.Тоқбергенова, адвокат С.Устажанова және аудандық газеттің өкілі Д.Васильев қатысты.
Ақмола облысы Бурабай аудандық соты «Сотта дауларды балама тәсілдермен шешу» тақырыбында Дөңгелек үстел өткізді.
Іс-шараға аудандық сот төрағасы мен судьялары, Бурабай ауданы әкімінің орынбасары, құқықтық бөлімнің бас маманы және Бурабай ауданының қорғаушылары қатысты.
Ақмола облысы Сандықтау аудандық соты 2016 жылдың I тоқсанында Әкімшілік құқық бұзушылық туралы Қазақстан Республикасы Кодексінің 608-бабы бойынша " Жүргізушінің көлік құралын алкогольдік, есірткілік және (немесе) уытқұмарлық масаң күйде басқаруы, сол сияқты көлік құралын алкогольдік, есірткілік және (немесе) уытқұмарлық масаң күйдегі адамның басқаруына беру" 17 әкімшілік іс қарады.
Құқық бұзушыларға әкімшілік түрінде келесі жазалар қолданылды: 2 - азаматқа әкімшілік қамаққа алу, 15 - азамат көлік құралын басқару құқығынан айырылды.
Ақмола облыстық соты